The International чемпионының анасы ұлының жарқын жеңістерінен кейінгі өмірі туралы айтты

Team Spirit капитаны Ярослав «Miposhka» Найденовтың анасы Елена Найденова Esports.ru-ға ұлының Dota 2 бойынша басты турнирдегі жеңістері оның өміріне қалай әсер еткені туралы әңгімеледі.

Оның өмірі іс жүзінде өзгерген жоқ: қандай болса, сондай күйінде қалды. Тек байсалды, парасатты бола түсті. Біздің өмірімізде де ештеңе өзгерген жоқ: қалай өмір сүріп, жұмыс істесек, солай жалғастырудамыз, — деді Елена.

Киберспортшының анасы болашақ кәсіби ойыншылардың ата-аналарына да үн қатты:

Балаға өзін табуға, өмірден өз жолын табуға көмектесу керек. Ең бастысы — оның қандай мамандық иесі болатыны емес, қандай адам болып өсетіні.

Ярослав Найденов 2015 жылдан бері кәсіби сахнада өнер көрсетіп келеді — оның мансаптық табысы $6,2 млн-нан асады, бұл Dota 2 ойыншылары арасында Йохан «n0tail» Сундштайннан ($7,1 млн) және Ессе «JerAx» Вайниккиден ($6,4 млн) кейінгі үшінші көрсеткіш.