The International 2025 Dota 2 турниріне билеттер сатылымға шықты

Reddit.com мәліметі бойынша, бүгін The International 2025 Dota 2 турнирінің плей-офф билеттері сатылымға шықты — оларды axs.com платформасынан сатып алуға болады.

Плей-офф матчтары Barclays Arena-да 11-14 қыркүйек аралығында өтеді — алғашқы екі күнге билеттер 85 еуро тұрса, финалдық демалыс күндеріне баға 165 еуроны құрайды.

Dota 2 бойынша жылдың басты турнирі неміс қаласы Гамбургта өтеді — жарыс 4-14 қыркүйек аралығында жалғасып, чемпиондық атақ үшін әлемнің 16 мықты командасы күреседі. Чемпионаттың жүлде қоры әзірге жарияланған жоқ.