Теннисші Андреева әлеуметтік желідегі қорқынышты қауіп-қатерлер туралы айтты

Tennis.com мәліметі бойынша, ресейлік теннисші Мирра Андреева әлеуметтік желілерде кездескен жағымсыз жағдайлар туралы айтты.

«Менің ойымша, әрбір ойыншы жеңілістен кейін көптеген жағымсыз пікірлерге тап болады. Мен 14 жаста болғанда, алғашқы ITF турнирлерінің бірінде жеңілген соң мынадай хабарлама алдым: «Айналаңа қара, өйткені мен сені тауып, қолдарыңды кесіп тастаймын». Әлі күнге дейін есімде», — деді Андреева.

16 жастағы спортшы осындай қорқынышты хабарламаларға қарамастан, турнирлер кезінде өзін толық қауіпсіздікте сезінетінін атап өтті:

«Біз корттан шыққанда, доптарға қол қойып, суретке түскенде айналамызда көп күзет болады. Мен әрдайым жанымда үш-төрт қауіпсіздік қызметкерін көремін, сондықтан өзімді өте тыныш сезінемін. Бір нәрсе болуы мүмкін деп ешқашан ойламадым».

Айта кетерлігі, жақында британдық теннисші Эмма Радукану Дубайдағы турнирде белгісіз адамның қудалауына тап болды. Осыдан кейін WTA ұйымдастырушылары шара қолданып, бұзақыны жарыстан шығарды.