Team Vitality CS2-де жеңістер бойынша тарихи рекорд орнатты

Team Vitality капитаны Дан «apEX» Мадесклер BLAST Rivals Spring 2025 финалына шыққаннан кейін өз командасының тарихи жетістігін түсіндірді.

«Бүгін біз қатарынан 24 жеңіспен тарихқа ендік. Мұны жасай алатынымызды ешқашан ойламаппын. Мен командадағы барлық адамды мақтан тұтамын. Мен сырқаттанып қалдым, бірақ менің керемет командаластарым бар. Бір қадам қалды. Жақсы ойын, Spirit», — деп жазды Мадесклер X әлеуметтік желісінде.

Француз ұжымы кеше турнирдің жартылай финалында Team Spirit командасын 2:0 есебімен жеңді — бұл нәтиже Team Vitality-ге Counter-Strike тарихындағы LAN-турнирлердегі жеңіс сериясының ұзақтығы бойынша үздік екілікке кіруге мүмкіндік берді.

BLAST Rivals Spring 2025 турнирі 30 сәуір мен 4 мамыр аралығында $350 мың жүлде қорымен өтуде.