Team Spirit сарапшысы Aurora Gaming матчындағы Doom багының егжей-тегжейін ашты

Team Spirit командасының сарапшысы Марк «sikle» Лерман PGL Wallachia Season 4 турнирінде Aurora Gaming мен PARIVISION арасындағы жартылай финалдық матчта Doom кейіпкерінің багын талдады, деп хабарлайды sikleqq Telegram-арнасы.

Мәселе Aurora Gaming керрі Егор «Nightfall» Григоренконың басына түсті — ойыншы жеткілікті алтыны бола тұра, ойынға қайта орала алмады. Лерман есептеулер жүргізіп, ақаулықтың себебін анықтады.

«Егордың нетворсы = 37046, яғни байбек құны ~3049 болуы керек, бірақ сатып алу құнын 20%-ға көбейтетін аспект арқылы баға 3659-ға дейін көтерілді. Алайда мұнда баг бар — аспект сатып алуға екі рет айыппұл салады, сондықтан нақты құны шамамен 4390», — деп түсіндірді Лерман.

Оқиға кезінде Григоренконың 4221 алтыны және белсенді «Devour» баффы болды, бұл оған қосымша алтын алғаннан кейін 25 секундтан соң қайта сатып алуға мүмкіндік берер еді. Жағдайды талқылау үшін матч тоқтатылды.