«Team Spirit» DreamLeague-ке қатыспай, Riyadh Masters-ке дайындалуда

«Team Spirit» DreamLeague Season 26 турниріне қатыспайды. Команда негізгі назарын шілде айында өтетін «Riyadh Masters 2025» турниріне бағыттап отыр. Бұл туралы ұйымның бас директоры Никита Cheshir Чукалин Telegram-арнасында хабарлады.

Оның айтуынша, DreamLeague-дегі жақсы нәтижелер EPT ұпайларына тәуелділікті азайтқан. Сондықтан команда демалып, дайындыққа уақыт бөлу туралы шешім қабылдаған.

«DreamLeague Season 26» турнирі 19 мамыр мен 1 маусым аралығында онлайн форматта өтеді. Ал «Riyadh Masters 2025» — 7–20 шілде аралығында өтеді, жүлде қоры — 3 миллион доллар.

Турнирге 16 команда қатысады. Олардың қатарында қазіргі чемпион «Gaimin Gladiators», ESL рейтингіндегі үздіктер, аймақтық іріктеу жеңімпаздары және түрлі аймақтардың өкілдері бар.