Team Liquid PGL Wallachia плей-оффында Team Spirit-ті жеңді

PGL Wallachia Season 4 Dota 2 турнирінің жоғарғы тор жартылай финалында Михал «Nisha» Янковскидің Team Liquid командасы Team Spirit-ті 2:0 есебімен сенімді жеңіске жетті.

Екі карта да Liquid басымдылығымен өтті — бірінші кездесу 51 минутта 32:12 есебімен, ал екіншісі 33 минутта 35:18 есебімен аяқталды.

Ярослав «Miposhka» Найденовтың ұжымы төменгі торда күресін жалғастырып, ертең Team Tidebound командасымен кездеседі. Ал Liquid PARIVISION — Aurora Gaming жұбының жеңімпазымен виннерлер финалында ойнайды.

Бір миллион доллар жүлде қоры бар PGL Wallachia Season 4 турнирі 27 сәуірге дейін жалғасады.