Team Falcons Counter-Strike 2 құрамына жаңа ойыншы қосылғанын ресми түрде жариялады — командаға Илья m0NESY Осипов қосылды.
Ресейлік киберспортшы G2 Esports ұйымынан жаңа командаға ауысып, Абдул degster Гасановтың орнын басады. Снайпердің Team Falcons құрамындағы алғашқы ойыны сәуір айының соңында Австралияда өтетін IEM Melbourne 2025 турнирінде болады.
2019 жылы басталған мансабында m0NESY елеулі жетістіктерге қол жеткізді — G2 Esports құрамында ол BLAST Premier: World Final 2024, IEM Cologne 2023 және IEM Katowice 2023 турнирлерінің жеңімпазы атанды.
