Талдықорғанда сенсация: ҚПЛ аутсайдері чемпионат көшбасшысын жеңді

Талдықорғанда Қазақстан Премьер-Лигасының оныншы тур матчы өтті — жергілікті «Жетісу» чемпионат көшбасшысы «Ақтөбені» қабылдады.

Кездесудің айқын фавориті саналған қонақтар алғашқы минуттардан бастап басымдылық танытты — Габи Кики 40-шы минутта бұрыштамадан гол соқты.

Үзілістен кейін үй иелері есепті теңестірді — Ринат Серікқұл қарсыластың қорғаныс қатесін пайдаланды. Матч соңында Максим Житнев 88-ші минутта талдықорғандықтарға жеңіс әперді.

«Ақтөбе» 25 ұпаймен турнир кестесінде көшбасшылығын сақтап қалса, «Жетісу» сегіз ұпаймен чемпионаттың аутсайдерлері қатарында қалып отыр.