Ұлар Жақсыбаев

«Ордабасының» футболшысы Ұлар Жақсыбаев «Тобылға» қарсы өткен КПЛ-дың 9-туры ойынында алған жарақатынан кейін тізесіне ота жасатты, деп хабарлайды Prosports.kz. Клубтың мәліметінше, операция Германияда өтті және сәтті аяқталды. Қазір қорғаушы мамандардың бақылауымен алғашқы оңалту кезеңдерінен өтуде. Алда Жақсыбаевты ұзақ уақыттық қалпына келу кезеңі күтіп тұр.

«Серый CARDINAL» арнасының мәліметінше, «Ордабасы» мен «Тобыл» арасындағы ойында Қазақстан құрамасының қорғаушысы Ұлар Жақсыбаев тізе байламын үзіп алған болуы мүмкін. Матчтан кейін футболшыға алаңнан шығуға «Тобыл» ойыншылары Жаслан Жұмашев, Шохбоз Умаров және Темірлан Ерланов көмектесіп, жедел-жәрдем көлігіне дейін жеткізген. Айта кетейік, бұған дейін «Ордабасы» сапындағы молдовалық қорғаушы Виктор Мудрак та дәл осындай жарақат алған еді. […]