Абиба Абужакынова

Қазақстандық дзюдошы Әбиба Әбужақынова 48 келіге дейінгі салмақта Аустрияның Оберварт қаласында өткен халықаралық турнирде чемпион атанды. Отандасымыз финалда жапон спортшысы Сачиё Йошиноны 10:1 есебімен айқын жеңді. Әбиба биыл Португалияда өткен Гран-приде де алтын жүлде жеңіп алған болатын. Сонымен қатар, ол халықаралық ареналарда Қазақстан намысын абыроймен қорғап, бірқатар турнирлерде жүлделі орындарға ие болып жүр.

Қазақстан әйелдер құрамасының көшбасшысы Абиба Әбужақынова Австрияның Линц қаласында өтіп жатқан дзюдодан Гран-при турнирінің жартылай финалында жеңіске жетті, деп хабарлайды olympic.kz порталы. 1/2 финалдық кездесуде Әбужақынова нидерландтық Эмбер Герсджесті айқын басымдықпен жеңді. Осылайша, қазақстандық спортшы беделді жарыстың финалына жолдама алды. Шешуші кездесуде Әбужақынованың қарсыласы жапондық Сачиё Ёшино болмақ. Жерлесімізге финалда сәттілік тілейміз!

Дзюдодан Қазақстан ұлттық құрамасы 7-8 наурызда Австрияда өтетін әлемдік Гран-при кезеңінде ел намысын қорғайды, деп хабарлайды Қазақстан дзюдо федерациясының баспасөз қызметі. Жарысқа 52 елден 438 спортшы қатысады деп жоспарланған. Қазақстан құрамасынан 14 дзюдошы бақ сынайды. Әйелдер құрамасы: Абиба Абужақынова (-48 кг) Толғанай Әбеуова (-52 кг) Дана Абдирова (-57 кг) Самалай Ерғалиева (-63 кг) Ақерке Рамазанова […]