Стример Nix The International 2025 турнирінің ең танымал кастері атанды

Esports Charts мәліметтері бойынша, стример Александр Nix Левин Dota 2 бойынша The International 2025 комьюнити-кастерлері арасында бірінші орынға ие болды — оның трансляциялары 10,59 миллион көру сағатын жинады.

Рейтингте екінші орынды Ярослав NS Кузнецов 2,83 миллион сағат көрсеткішімен иеленсе, көшбасшылар үштігін Роман RAMZES666 Кушнарёв 2,12 миллион сағат нәтижесімен аяқтады. Ағылшын тілді стримерлер арасында Жан Gorgc Стефановски үздік болып, 1,22 миллион көру сағатымен төртінші орынға жайғасты.

The International 2025 Германияда 4-14 қыркүйек аралығында өтті — $2,7 миллион жүлде қоры қатысушылар мен кастерлердің бандлдарын сатудан құралды. Финалдық матчта Team Falcons командасы Xtreme Gaming-ті 3:2 есебімен жеңді.