Стеф Карри «Миннесотаға» қарсы ойында жарақат алды

«Голден Стэйт Уорриорз» қорғаушысы Стефен Карри санының артқы бетін созып алды, деп хабарлайды ESPN.

«Үзіліс кезінде онымен сөйлестім, әрине, ол көңіл-күйі түсіңкі. Команда жолдастары оның жүгін өз мойындарына алып, матчта жеңіске жетті. Стефті бәріміз уайымдап отырмыз, бірақ бұл ойынның бір бөлігі», — деді команданың бас бапкері Стив Керр.

Баскетболшының жағдайы күн сайын бағаланып отырады — ертең ойыншы МРТ тексерісінен өтеді. Негізгі ойыншысынан айырылғанына қарамастан, «Уорриорз» сырт алаңда «Миннесотаны» 99:88 есебімен жеңді.