Софи Ингл жарақаттан айығып, Еуро-2025-ке дайын

BBC Sport хабарлауынша, Софи Ингл Еуро-2025 аясында 5 шілдеде Люцернде өтетін Нидерландыға қарсы алғашқы ойынға шығуға дайын екенін растады.

Ұлттық құраманың бұрынғы капитаны — алдыңғы крест тәрізді байламның үзілуіне байланысты тоғыз ай құрамнан тыс қалған болатын. Қазір 33 жастағы футболшы бас бапкер Риан Уилкинсонның жетекшілігімен Португалияда турнир алдындағы жиынға қатысуда.

«Мен өзімді жақсы сезінемін және командада кез келген рөлді атқаруға дайынмын. Қазір физикалық дайындығым бойынша жұмыс істеп жатырмын және толық күшпен жаттығу үстіндемін», — деді Ингл.

Құрама сапында 141 ойын өткізген тәжірибелі футболшы — «Челсиде» жеті жыл өнер көрсеткеннен кейін клубтан кетті. Еуро-2025 топтық кезеңінде Уэльс құрамасы Нидерланды, Франция және Англиямен кездеседі.

«Мен әрқашан ашық болдым және турнирге кез келген мәртебеде — ойыншы, жаттығушы немесе жанкүйер ретінде баратынымды айттым. Мен қыздармен бірге осы сапарда болғым келді және ұшаққа отыру үшін қолымнан келгеннің бәрін жасар едім», — деп атап өтті Софи Ингл.