Соболенко төрешінің шешіміне қарамастан Мадридтегі матчты жаңбырға байланысты тоқтатты

Championat.com хабарлағандай, әлемнің бірінші ракеткасы Арина Соболенко Мадридтегі турнирдің ширек финалындағы ойынды өз еркімен тоқтатты.

Екінші сеттің тай-брейкінде Марта Костюк 5:4 есебімен алда болған кезде — белорус теннисшісі жаңбырдың басталуына байланысты матчты тоқтатуды сұрады. Жауын-шашынның қарқыны жеткіліксіз деп шешкен төрешінің бас тартуынан кейін, спортшы ойынды тоқтатып, заттарын жинай бастады.

«Құдайым-ау! Жаңбыр кезінде подача жасау мүмкін емес еді. Мен бірінші подача жасауға тырыстым, бірақ тоқтау керек екенін түсіндім — көзіме су тиді. Қос қателік жасайтынымды білдім, сондықтан бұған жол бермеуге шештім. Осылай істегеніме қуаныштымын», — деді Соболенко баспасөз мәслихатында.