«Снежные Барсы» командасы «АКМ-Новомосковск» клубын 2:1 есебімен жеңді

haiba.kz хабарлауынша, МХЛ тұрақты чемпионатының үй матчында «Снежные Барсы» командасы «АКМ-Новомосковск» клубын 2:1 есебімен жеңді.

Матчтың бірінші кезеңінде шайба салынған жоқ. Екінші кезеңде қонақтар есеп ашып, Белов гол соқты. Алайда үзіліс алдында «Снежные Барсы» ойыншылары Қажыбеков пен Шақшақбаевтың көмегімен Шипилиннің дәл соққысымен есепті теңестірді.

Шешуші сәт соңғы жиырма минутта орын алды. Нұржанов Канкин мен Ибрагимнің көмегімен жеңіс голын соғып, ойынның соңғы нәтижесін белгіледі. Команданың қақпасын Байдек пен Быков қорғады.