Словениялық комментатор «Қайрат» — «Олимпия» матчының фаворитін атады

RTV SLO словениялық телеарнасының футбол комментаторы Урбан Лауренчич «Қайрат» пен «Олимпия» арасындағы Чемпиондар лигасының іріктеу матчтары туралы өз көзқарасымен бөлісті, деп хабарлайды Sports.kz.

Люблянада өз командасының мүмкіндіктерін сақтықпен бағалайды — клубтың үш негізгі ойыншысын сатқаннан кейін құрамның тұрақтылығына қатысты сұрақтар туындауда.

«Жеребе тартылғаннан кейін „Олимпияның» ресми арналарынан осы матчтардан күтілетін нәтижелер туралы ешқандай баспасөз хабарламалары немесе сұхбаттар жарияланбағаны қызық болды. Люблянада бәрі жеребені қиын деп санайды», — деді Лауренчич.

Алматы клубының ойыншыларынан словениялық сарапшы Жоржиньо мен Громыконы атап өтті — «Қайраттың» шабуылдау әлеуеті оған ең үлкен алаңдаушылық тудырады.

«„Олимпияда» жаңа бапкер, көптеген жаңа ойыншылар бар. Олар екі апталық дайындық кезінде мықты команда бола ала ма? Олай деп ойламаймын. „Қайрат» Люблянада тең ойнап, Алматыда жеңіске жетеді», — деп болжады комментатор.