Симоне Индзаги: «Баварияны жеңу — жоғары деңгейдегі нәтиже, бірақ бұл тек алғашқы қадам»

UEFA.com хабарлағандай, «Интер» бас бапкері Симоне Индзаги Чемпиондар лигасының ширек финалындағы «Баварияға» қарсы сырт алаңдағы 2:1 есебімен тіркелген жеңісті жоғары бағалады.

«Бұл – жоғары деңгейдегі нәтиже, бірақ ол тек «Сан-Сиро» стадионында жанкүйерлеріміздің алдында өтетін қарымта матчта жеңіске жеткен жағдайда ғана шын мәнінде маңызды болады», — деді Индзаги.

Миландық клубтың бапкері қарсылас командаға да құрмет көрсетті, бірақ өз шәкірттерінің ойын сапасына көңілі толатынын жасырмады:

«Бавария – өте күшті команда. Дегенмен біз батылдық пен қайсарлықта оларға жол берген жоқпыз. Олардың қысымына қарамастан, біз өз ойынымызды көрсеттік», — деді ол.

Индзаги екі голдың да қақпашының шабуылдағы сенімді әрекетінен басталғанын атап өтті. Сонымен қатар, соңғы төрт жыл ішінде қалыптасқан ойын қағидаттары мен допты бақылауға негізделген жүйе командаға соңғы минутта бір гол жіберіп алса да, жеңісті сақтап қалуға мүмкіндік бергенін айтты.

Біздің парақшамыздан футбол матчтарының барлық нәтижелерін Live форматта бірінші болып біліңіз!