Швентек Ролан Гарростағы сәтсіздіктен кейін WTA рейтингінің топ-5-тен шықты

Wtatennis.com мәліметтері бойынша, Ролан Гарростың аяқталуынан кейін WTA рейтингінде елеулі өзгерістер орын алды — Ига Швентек жетінші орынға түсіп, үздік бестіктен шығып қалды.

Көш басында 11553 ұпаймен Арина Соболенко тұр, одан кейін Коко Гауфф пен Джессика Пегула орналасқан. Төртінші орында Жасмин Паолини, ал үздік бестікті Қытайдың өкілі Циньвэнь Чжэн түйіндейді.

Турнирдің жартылай финалисі Лоис Буассон айтарлықтай прогреске қол жеткізді — француз теннисшісі 296 позицияға көтеріліп, қазір 65-ші орында тұр.

Ресейлік теннисшілер арасында ең жоғары позицияны Мирра Андреева иеленіп отыр, ол 4636 ұпаймен рейтингтің алтыншы жолында орналасқан.