Штайнер 2025 жылғы Формула-1 чемпионатының фаворитін атады

ГФормула-1 сарапшысы, Haas командасының бұрынғы басшысы Гюнтер Штайнердің пікірінше, «McLaren» 2025 жылғы маусымды өте жоғары деңгейде бастап, әсіресе Аустралия мен Қытайда жеткен жеңістермен көзге түсті.

Алайда Шанхайдағы спринтерлік жарыста Уокинг ұжымы бірқатар қиындыққа тап болды. Оскар Пиастри тек Льюис Хэмилтоннан ғана қалып, екінші орын алса, оның командаласы Ландо Норрис сегізінші орынды қанағат тұтты.

«McLaren-мен ешкім бәсекелесе алмайды деп кесіп айту қиын. Егер олар мінсіз өнер көрсетпесе, жеңілуі мүмкін. McLaren ешқандай қателікке жол бере алмайды, себебі оларды басып озуға әрдайым дайын тұрған біреу табылады», — деді Штайнер Red Flags подкастында.

Пиастри, Аустралиядағы жаңбырлы жарыста жіберген қателігіне қарамастан, Қытайда командасына жеңісті алып келген басты тұлғалардың бірі болды.

«Қазір әлем чемпионына ставка жасау керек болса, мен Оскар Пиастриге тігер едім. Біліктілік кезеңінен кейін оның жүзіндегі қуанышты байқадым. Ол алға ұмтылып тұр, бұл жарыстардан шын мәнінде ләззат алады», — деп қосты Штайнер.

McLaren үшін келесі үлкен сын — Жапония Гран-приі. Бұл кезеңде команда Mercedes пен Ferrari сияқты басты қарсыластармен чемпионаттағы көшбасшылық үшін күресті жалғастырады.