Шотландия әйелдер футболының аңызы Джейн Росс мансабын аяқтайтынын жариялады

«Рейнджерс» ресми сайтының хабарлауынша, Шотландия әйелдер құрамасының тарихындағы ең нәтижелі футболшылардың бірі — Джейн Росс ағымдағы маусым соңында мансабын аяқтайтынын жариялады.

35 жастағы шабуылшы ұлттық құраманың үздік сұрмергендер тізімінде екінші орында тұр — 2009 жылғы дебютінен бері 151 ойында 62 гол соқты. 19 маусымдық кәсіби мансабында Росс үш елдің алты клубында өнер көрсетті.

«Мен өз мансабымды және істеген ісімді жақсы көрдім — бұл арманым шындыққа айналды. Бірақ қазір кету үшін дұрыс уақыт, мен болашақта не болатынын асыға күтемін», — деді Росс.

Шотландиялық футболшының соңғы ойыны 25 мамырда өтетін ел Кубогының финалы болуы мүмкін — «Рейнджерс» «Глазго Ситимен» кездеседі. «Абердинмен» болған жартылай финалда Росс хет-трик жасады.

Шотландия құрамасының бас бапкері Мелисса Андреатта шабуылшының «керемет мансабын» атап өтіп, оны келесі буын үшін «нағыз шабыт көзі» деп атады.