Шомуродовтың голы «Рома» — «Атлетик» ойынының тағдырын шешті

УЕФА Еуропа лигасының 1/8 финалы аясындағы алғашқы матч аяқталды. Онда италиялық «Рома» мен испаниялық «Атлетик» (Бильбао) кездескен болатын. Ойын Римдегі (Италия) «Олимпико» стадионында өтті. Кездесуді швейцариялық төреші Сандро Шерер бастаған бригада басқарды. Матч «Романың» 2:1 есебімен жеңісімен аяқталды.

Қонақтардың жартылай қорғаушысы Иньяки Уильямс 50-минутта Айтор Паредестің пасынан кейін есеп ашты. Ал 56-минутта алаң иелерінің ойыншысы Анхелиньо Зеки Челиктің пасынан кейін есепті теңестірді. 86-минутта Ерай Альварес екінші сары қағазын алып, «Атлетик» бір ойыншымен кем қалды. 90+4-минутта Эльдор Шомуродов алаң иелеріне жеңіс сыйлаған голды соқты.

Қарымта матч 13 наурыз, бейсенбі күні Бильбаода (Испания) өтеді. Ойынның басталуы Астана уақытымен 23:45-ке жоспарланған.