«Үшінші рет әлем үздігі»: Қазақстандық Анастасия Городко фристайл-могулдан әлем чемпионы атанды

Алматыда жасөспірімдер арасында өтіп жатқан әлем чемпионатында Анастасия Городко фристайл-могулдың параллельді могул түрінен чемпион атанды, — деп хабарлайды 1bol.kz.

Olympic.kz-тің дерегінше, отандасымыз шешуші сында америкалық Риз Чапделайннен басым түсіп, үздік шықты. Ал қола жүлдеге АҚШ-тың тағы өкілі Эбби Макларнон ие болды.

Бұған қоса, бір күн бұрын Анастасия жекелей жарыста күміс медаль жеңіп алған еді.

Айта кетсек, Городко 2022 жылғы әлем чемпионатында үш жүлде иеленген. Сондай-ақ, параллельді могулда жеңімпаз атанып, жекелей есепте және аралас командалық сында екінші орын алды. Ал 2024 жылғы әлем чемпионатында могул бойынша бірінші орын, параллельді могулда екінші орынға тұрақтаған.

Қазақстандық спортшының бұл жетістіктері оның фристайл-могулдағы әлемдік деңгейдегі мықты спортшы екенін тағы бір рет дәлелдеп отыр.