Шэй Гилджес-Александер: «Бұл менің әдеттегі лақтырыстарым, тек түспей жатыр»

ESPN деректеріне сүйенсек, Оклахома Сити Тандер көшбасшысы Шэй Гилджес-Александер плей-офф басталғаннан бері әдеттегі деңгейінен төмен нәтиже көрсетуде — оның лақтырыстарының дәлдігі небәрі 32,6 пайызды құрап отыр.

Мемфиске қарсы екінші ойында Шэй 27 ұпай жинады. Алайда 29 әрекеттің 10-ы ғана нысанаға дәл тиді, ал үш ұпайлық сызықтан 10-ның тек үшеуі нәтижелі болды. Соған қарамастан, Оклахома 118:99 есебімен айқын басымдықпен жеңіске жетті.

«Бұл менің әдеттегі лақтырыстарым, тек түспей жатыр. Бұл — баскетболдың бір бөлігі. Менің командам өте жақсы — олар мені қолдап келеді. Жақын күндері бәрі орнына келеді деп сенемін», — деді Гилджес-Александер.

Шэй команданың құрам тереңдігіне сенетінін де атап өтті:

«Біздің құрамның тереңдігінде ештеңе жаңа емес. Біз мұны жыл бойы дәлелдеп келеміз. Сол себепті маусымды мықты нәтижемен аяқтадық».

Оклахома серияда 2:0 есебімен алда келеді.