Шавкатджон Рахимов ауыр жеңіліске ұшырап, ауруханаға түсті

Өткен демалыста Сан-Антониода (АҚШ) өткен бокс кешінде екінші жартылай жеңіл салмақтағы бұрынғы әлем чемпионы Шавкатджон Рахимов (17-2-1, 14 КО) америкалық боксшы Джастин Полдодан ауыр жеңіліс тапты. Бұл туралы vRINGe.com хабарлады.

Нокауттан кейін Рахимов ауруханаға жеткізілді, онда дәрігерлер оған миға қан құйылу диагнозын қойды. Алайда келесі күні спортшының жағдайы тұрақтанып, медиктер оған үйіне оралуға рұқсат берді.

«Бұл қауіпті жұмыс және біз онымен байланысты тәуекелдерді білеміз. Біздің басты міндетіміз — жауынгерлерге қамқорлық жасау. Шавкат өзін жақсы сезінуде және Лос-Анджелеске бағыт алуда. Ол барлық қажетті емді алды», — деді промоутер Сэмпсон Левковиц.

Рахимовтың мансабын жалғастыру мәселесі ашық күйінде қалып отыр. Оның түпкілікті шешімі үш айдан кейінгі медициналық бақылаудан соң қабылданады. Айта кетейік, бұл жекпе-жек оның Джо Кординаға қарсы IBF белбеуінен айырылғаннан кейінгі алғашқы кездесуі болды.