Шабуылшы Антон Петров үлкен хоккейге оралды

Shaiba.kz ақпараты бойынша, Антон Петров «Ақтөбе» хоккей клубымен келісімшартқа отырды — шабуылшы қысқа үзілістен кейін кәсіби спортқа оралуда.

Өткен маусымда 33 жастағы шабуылшы өскемендік «Торпедо» мен атыраулық «Бейбарыс» түстерін қорғады — Pro Hokei Ligasy тұрақты чемпионатының 40 ойынында хоккейші 9 ұпай жинап, 3 шайба соғып, 6 нәтижелі пас берді.

Петров мансабының көп бөлігін туған «Торпедо» құрамында өткізді, сондай-ақ 2017 жылдан 2020 жылға дейін көкшетаулық «Арлан» сапында өнер көрсетті.