Шабуылшы Александр Дарьин «Адмирал» құрамына өтті

«Адмирал» хоккей клубы шабуылшы Александр Дарьинмен келісімшартқа отырғанын клубтың телеграм-арнасы хабарлады.

25 жастағы шабуылшымен келісім екі маусымға жасалды. Өткен КХЛ чемпионатында хоккейші Мәскеу облысының «Витязь» командасы сапында 47 ойында 4 шайба соғып, 12 нәтижелі пас берді.

Ярославльдің «Локомотив» тәрбиеленушісі Континентальды хоккей лигасындағы мансабында 146 кездесу өткізіп, 22 гол соғып, 36 нәтижелі пас берді.

«Александр, кеменің бортына қош келдің!» — делінген Қиыр Шығыс клубының хабарламасында.