Сержиу Консейсау келесі маусымда «Миланда» қалмайды

Танымал инсайдер Фабрицио Романоның мәліметінше, Сержиу Консейсау маусым соңында «Миланның» бас бапкері қызметінен кетеді.

Желтоқсанда «россонериді» басқарған португалдық маман — команданы Италия Суперкубогының жеңісіне жеткізді. Алайда кеше миландық клуб Италия Кубогының финалында «Болоньядан» 0:1 есебімен жеңіліс тапты, ал Серия А турнирлік кестесінде тек сегізінші орында тұр.

Сондай-ақ, қыстан бері «Миланда» жалға алу құқығымен өнер көрсетіп жүрген Жоау Феликс маусым соңында лондондық «Челсиге» оралатыны белгілі болды.