Сергей Ковалев Эр-Риядтағы жеңілістен кейін рингке оралуға дайындалуда

Жартылай-ауыр салмақта (79,4 кг дейін) үш дүркін әлем чемпионы Сергей Ковалев алдағы жекпе-жекке дайындық жұмыстарын бастады.

Ресейлік боксшы өзінің инстаграм-парақшасында жаттығуларды қайта бастағаны туралы хабарлады: «Жауынгерлік жаттығуларсыз ұзақ үзілістің нәтижесі көрініп тұр; бүгін жұптасып жаттығуды бастадым. Жекпе-жекке дейін тоғыз апта қалды».

Ковалев соңғы рет 18.05.2024 күні Эр-Риядта (Сауд Арабиясы) швециялық спортшы Робин Сирван Сафармен кездескен болатын. Сол жекпе-жекте ресейлік боксшы (соңғы раундта нокдаунға түсіп) ұпай санымен жеңілді — төрешілер келесі бағаларды қойды: 94-95 90-99 92-97.