Сергей Федоров ЦСКА-ға қайта оралуы мүмкін — Илья Воробьев қызметінен кетудің алдында тұр

Артур Хайруллиннің Telegram-арнасының мәліметінше, Сергей Федоров ЦСКА хоккей клубының бас бапкері қызметіне қайта оралуы мүмкін.

Мәскеулік клуб ҚХЛ плей-офф кезеңінде өз жолын аяқтады — команда 1/8 финал сериясында минскілік «Динамодан» 2:4 есебімен жеңіліп қалды. Соңғы екі матч ЦСКА үшін аса ауыр соқты: 0:7 және 2:6.

Лиганың ең жоғары жалақы алатын бапкері Илья Воробьев (маусымына 90 миллион рубль) бұл сәтсіздіктен кейін қызметінен кетуі мүмкін. Әсіресе шешуші кездесулердегі ойсырай жеңілу оның болашағына күмән тудырды.

«Воробьевтің қызметінен кетуі әбден мүмкін», — деп жазады Хайруллин.

Еске салайық, Сергей Федоров ЦСКА-ны 2022 және 2023 жылдары Гагарин Кубогында жеңіске жеткізген болатын.