Сергей Бобровский НХЛ плей-оффында «Флорида» рекордын жаңартты

«Флорида Пантерс» қақпашысы Сергей Бобровский НХЛ плей-офф ойындарында төртінші рет «құрғақ» матч өткізіп, клуб рекордын жаңартты, деп хабарлайды Quant Hockey.

Ресейлік қақпашы «Тампа Бэй Лайтнингке» қарсы серияның екінші ойынында мінсіз өнер көрсетіп, қарсыластың бағыттаған 19 шайбасының бәрін қайтара алды. Нәтижесінде «Пантерс» 2:0 есебімен жеңіске жетті.

Лига тарихында ресейлік қақпашылар арасында Бобровский плей-оффтағы «құрғақ» ойындар саны бойынша төртінші орынға шықты. Одан жоғарыда жеті шатаутпен Евгений Набоков пен Андрей Василевский, алты шатаутпен Николай Хабибулин тұр.

Сергей Бобровский бұл көрсеткіш бойынша төрт «құрғақ» ойыны бар Илья Брызгалов пен Семен Варламовпен теңесті. Сондай-ақ, плей-оффта шатаут жасаған ресейлік қақпашылар қатарына Антон Худобин да кіреді.