Семак «Зениттің» жазғы жаттығуларына толық жиналу күнін атады

Championat.com мәліметінше, Петербордың «Зенит» клубының бас бапкері Сергей Семак команданың жазғы жаттығу жиындарының басталуы туралы әңгімеледі.

Ойыншылардың бірінші тобы жұмысқа кірісіп кетті — футболшылар медициналық тексеруден өтіп, жаттығу өткізді. Ұлттық құрама өкілдері, соның ішінде қазақстандық Нұралы Әліп, қосымша демалыс алды.

«Алғашқы екі күн топтар бойынша медициналық тексеруге арналған, жаттығулар жеңіл болады. Содан кейін тестілеу жүргізіп, толыққанды жұмыс істей бастаймыз», — деді Семак.

«Зенит» бапкері команданың толық құрамы 27 маусымда жиналатынын растады — дәл сол кезде ұлттық құрамалар сапында өнер көрсеткен футболшылар негізгі топқа қосылады.