«Селтиктің» аңызға айналған қақпашысы Джон Фэллон өмірден озды

«Селтик» баспасөз қызметінің хабарлауынша, клубтың аңызға айналған қақпашысы, он екінші «Лиссабон арыстаны» Джон Фэллон 84 жасында дүниеден өтті.

Фэллон «Селтикте» 14 жыл өнер көрсетті — 1967 жылы шотланд клубы «Интер» командасын жеңіп, Еуропа чемпиондар кубогын алған бірінші британдық клуб атанған тарихи матчта жалғыз қосалқы қақпашы болған.

Ақ-жасыл түсті команда сапында ойнаған жылдары қақпашы 200-ге жуық матч өткізіп, мынадай жүлделерге қол жеткізді:

• алты чемпиондық атақ
• бес Лига кубогы
• екі Шотландия кубогы

«Селтиктен» кеткеннен кейін Фэллон «Мотеруэлл» мен «Гринок Мортон» клубтарында ойнады. Айта кетерлігі, бір ай бұрын тағы бір «Лиссабон арыстаны» — Джон Кларк та дәл осы жаста өмірден озған.

«Оның «Селтикке» деген махаббаты өмірінің соңына дейін өзгерген жоқ — ол клубты үйде де, сыртта да қолдап жүрді», — делінген клуб мәлімдемесінде.