Саутгемптон Онуачуды Трабзонспорға трансферлеуге келісті

Ағылшын «Саутгемптоны» түрік «Трабзонспорымен» Пол Онуачуды трансферлеу туралы келісімге қол жеткізді, деп хабарлайды «қасиеттілердің» ресми сайты.

Нигериялық шабуылшы «Саутгемптон» құрамында екі жарым жыл өткізді — осы уақыт ішінде ол 40 матч өткізіп, клуб Премьер-лигадан түсіп қалған маусымда төрт гол соқты.

Өткен маусымда 31 жастағы шабуылшы «Трабзонспорда» жалға алу негізінде өнер көрсетті — онда ол 21 кездесуде 15 гол соғып, нәтижелі ойын көрсетті.

Нигерия құрамасында Онуачу алты жыл бұрын дебют жасап, содан бері 24 матч өткізіп, үш гол соқты. Өткен жылдың басында ол Африка ұлттары кубогының күміс жүлдегері атанды.

«Біз Полға «Қасиеттілер» сапында өнер көрсеткені үшін алғыс айтып, оған сәттілік тілейміз», — делінген клубтың мәлімдемесінде.