Сауль «Канело» Альварес өзіне ұнайтын 4 боксшыны атады: арасында қазақтар жоқ

Кәсіпқой бокстан екінші орта салмақта WBO, WBC WBA Super, The Ring нұсқалары бойынша әлем чемпионы – мексикалық Сауль Альварес (62-2-2, 39 KO) жекпе-жектерін өткізбей қарайтын төрт боксшыны атады. Бұл туралы 1bol.kz жазды.

«Мен жалпы талантты жас боксшылардың жекпе-жектерін өткізіп алмай қарауға тырысамын. Маған Александр Усик, Райан Гарсия, Теофимо Лопес және Джервонта Дэвис ұнайды. Олар расымен де өте мықты боксшылар», — деді мексикалық даңқты боксшы. Оның пікірін X әлеуметтік желісінде Ring Magazine аккаунты жазды.

Еске салайық, Альварес соңғы жекпе-жегін былтыр 14 қыркүйекте жерлесі Эдгар Берлангаға қарсы өткізген болатын. 12 раундқа созылған жекпе-жекте төрешілер шешімімен «Канело» жеңіске жеткен.

Ал, орта салмақта WBO және IBF нұсқалары бойынша әлем чемпионы Жәнібек Әлімханұлы болса Сауль Альваресті бір раундта бірнеше рет құлатып, нокаутпен жеңетініне сенімді.