Сауд Арабиясында Dota 2 бойынша $3 млн жүлде қоры бар турнир өтеді

Esports World Cup ұйымдастырушылары Сауд Арабиясында 7-20 шілде аралығында өтетін Dota 2 бойынша Riyadh Masters 2025 турнирі туралы ақпаратты ұсынды.

Чемпионатқа 16 команда қатысады, ал жүлде қоры $3 млн құрайды. Серияның қазіргі чемпиондары — Gaimin Gladiators командасы — турнирге тікелей шақыру алды.

Қалған қатысушылар келесідей анықталады:

• 8 орын — ESL рейтингі бойынша
• 1 орын — Шығыс Еуропа іріктеу жеңімпазы
• 1 орын — Батыс Еуропа іріктеу жеңімпазы
• 1 орын — Солтүстік Америка іріктеу жеңімпазы
• 1 орын — Оңтүстік Америка іріктеу жеңімпазы
• 1 орын — Оңтүстік-Шығыс Азия іріктеу жеңімпазы
• 1 орын — MESA іріктеу жеңімпазы
• 1 орын — Қытай іріктеу жеңімпазы

Турнир бірнеше кезеңде өтеді. Алдымен командалар төрт топта шеңберлік жүйе бойынша ойнайды, содан кейін үздік 12 команда Gauntlet форматында күресті жалғастырады. Чемпионат плей-офф кезеңімен аяқталады, онда сегіз мықты команда single-elimination жүйесі бойынша жарысады.