Сарапшы «Қайрат» пен «Астана» арасындағы чемпиондық матч туралы болжам жасады

Белгілі қазақстандық футбол сарапшысы Дмитрий Карпов Sports.kz-ке ҚПЛ-дің қорытынды тур матчтарына қатысты болжамдарымен бөлісті.

Турдың басты матчында — «Қайрат» пен «Астана» арасындағы чемпиондық тартыс. Маманның пікірінше, ойын тең есеппен аяқталады — екінші таймда астаналық команданың голынан кейін үй иелері есепті теңестіреді.

Басқа кездесулерде сарапшы келесі нәтижелерді болжайды:

• «Елімай» — «Атырау» — 2:0
• «Ақтөбе» — «Ордабасы» — тең есеп
• «Ұлытау» — «Тобыл» — 0:0
• «Женіс» — «Қайсар» — 1:0
• «Оқжетпес» — «Тұран» — 1:0
• «Жетісу» — «Қызылжар» — 1:0

«Ертең екі команда да сақ ойнайды, өйткені қателіктің бағасы өте жоғары! Өз алаңы мен стадиондағы толы трибуналар, әрине, ‘Қайраттың’ жағында болады», — деді Карпов.

Маусымның үздік ойыншылары туралы айта келе, маман үш футболшыны атап өтті — Дастан Сатпаев, Ғалымжан Кенжебек және Назми Грипши.