Сарапшы Әсу Әлмабаевтің UFC-дегі жеңісінен кейін күшті және әлсіз жақтарын ашты

Okko MMA мәліметі бойынша, редактор және белгілі аралас жекпе-жек комментаторы Алексей Володин Әбу-Дабидегі UFC on ABC 9 турнирінде Әсу Әлмабаевтің Хосе Очоаны жеңген жекпе-жегін талдап берді.

Сарапшы қазақстандық файтердің жеңісіндегі негізгі фактор — күрес шеберлігі екенін атап өтті: «Үздіксіз күрес, жабысқақтық, арқаны бақылау және еркін күрес стиліндегі диагональды кіру — осы сәттер шешуші болды».

«Екінші раундтың басында Әлмабаевтің жеңісіне күмәнім қалмады. Жұмыс жақсы істелді, бестік емес, төрттік деңгейінде», — деді Володин.

Әлмабаевтің болашағы туралы айта келе, комментатор оның жоғары деңгейдегі қарсыластар — Джошуа Ван мен Брэндон Ройвалмен жекпе-жек өткізу ниетін оң бағалады. Сарапшының пікірінше, ең жеңіл салмақты ескере отырып, қазақстандық спортшы дивизион шыңына тезірек жетуі қажет.