Санчо «Вилладағы» дебюті кезінде Рэшфордтың постына жұмбақ пікір қалдырды

The Associated Press мәліметі бойынша, Джейдон Санчо Маркус Рэшфордтың «Астон Вилла» құрамындағы алғашқы ойынына қатысты пікір қалдырды. «Манчестер Юнайтедте» орын таба алмаған шабуылшы маусым соңына дейін Бирмингем клубына ауысты.

Англия Кубогында «Вилла» «Тоттенхэмді» 2:1 есебімен жеңіп, Рэшфорд сәтті дебют жасады. Осыдан кейін футболшы әлеуметтік желіде:

«Жылы қабылдау үшін рахмет. Команданың керемет өнер көрсетуі»— деп әсерімен бөлісті.

Қазір «Челсиде» жалға алу негізінде ойнап жүрген Санчо бұрынғы командаласының жазбасына қысқа, бірақ мағыналы пікір жазды: «Бостандық».

Айта кету керек, Джейдон Санчо тамыз айында Лондон клубына ауысқан. Оның жалдау келісімінде міндетті сатып алу тармағы бар, дегенмен ол ресми түрде әлі де «Юнайтед» ойыншысы болып саналады. Өткен маусымда футболшы сол кездегі бапкер Эрик тен Хагпен келіспеушілік салдарынан алаңға шыққан жоқ.