Салах Манчестер Ситиді жеңгеннен кейін «Ливерпульден» кетуі мүмкін екенін меңзейді

Жексенбіде Мохамед Салах «Ливерпульдің» «Манчестер Ситиді» 2:0 есебімен жеңуінде шешуші рөл атқарды.

Ойын барысында Салах бірінші голда Коди Гакпоға нәтижелі пас берді және Луис Диастың пенальтиден гол соғуына ықпал етті. Бұл жеңіс «қызылдарға» жақын қарсыластарынан тоғыз ұпайға алыстауға және қазіргі чемпиондардан 11 ұпай озып кетуге мүмкіндік берді.

Алайда, матчтан кейін Салахтың мәлімдемесі жанкүйерлерді алаңдатуы мүмкін. **Sky Sports-қа берген сұхбатында ол былай деді:**
«Шынымды айтсам, бұл менің ойымда. Бұл «Ливерпульде» «Ситиге» қарсы ойнаған соңғы ойыным болуы мүмкін, сондықтан мен әр сәттен ләззат алғым келді. Атмосфера керемет болды. Біз тек лигада жеңіске жетеміз деп үміттенеміз, содан кейін не болатынын көреміз.»

Бұл Салахтың болашағы туралы айтқан екінші мәлімдемесі. Өткен аптада «Саутгемптонға» қарсы 3:2 есебімен жеңіске жеткеннен кейін ол былай деді:
«Желтоқсан жақындап қалды, бірақ клубтан қалу туралы ұсыныс алған жоқпын. Сондықтан мен кететін шығармын. Мен клубта көп жылдар өткіздім. Бұдан жақсы клуб жоқ. Бірақ бұл менің қолымда емес.»

Салах пен «Ливерпуль» арасындағы келіссөздер жалғасуда және оң нәтиже беруге жақын деген ақпарат бар. Алайда, келісімшартты ұзарту мәселесі уақытты талап ететін күрделі процесс.

Салах соңғы келісімшартқа 2022 жылдың маусымында қол қойып, клубтың ең көп жалақы алатын ойыншысы атанған болатын. Егер келісімшарт ұзартылмаса, ол 1 қаңтардан бастап шетелдік клубтармен ақысыз трансфер туралы келіссөздер жүргізе алады.