Сағындық Тоғамбайдың Астанадағы Әлем кубогының ширек финалындағы қарсыласы анықталды

Сағындық Тоғамбай Астанада өтіп жатқан World Boxing Әлем кубогының ширек финалындағы қарсыласын білді — ол АҚШ өкілі Малачи Джорджес болды.

Америкалық боксшы 90 келіге дейінгі салмақ дәрежесінде 1/8 финалда италиялық Азиз Аббес Мухийдинді күтпеген жерден нокаутпен жеңіп, келесі кезеңге өтті.

Тоғамбайдың жетістіктер тізімі мол — ол жастар арасындағы әлем чемпионатының күміс жүлдегері және үш дүркін Азия чемпионы атанған.

Ересектер деңгейінде қазақстандық боксшы да жоғары нәтижелер көрсетуде — үш жыл бұрын ол Жазғы Азия ойындары мен Азия чемпионатында қола медальдарға ие болған.