Садриддин Ахмедовтың промоутері Эспадаспен қайта кездесу туралы айтты

Промоутер Том Леффлер Садриддин Ахмедов пен Элиас Эспадас арасындағы тең өткен жекпе-жекке қатысты пікір білдірді.

«Бұл Садриддин мен Эспадас арасындағы өте қызықты, нағыз экшенге толы жекпе-жек болды», — деді Леффлер.

Қазақстандық боксшының өкілі салмақ қуу мәселесі туралы болжамдарды жоққа шығарды.

«Менің ойымша, Садриддин бұл жекпе-жекте екі раундқа алда болды, яғни Ахмедов раундтар бойынша 6-4 есебімен жеңіп жатыр деп ойладым, бір төреші де солай шешті. Бірақ бұл өте тығыз және бәсекелі жекпе-жек болды, сондықтан мен тең түсуге де келісемін», — деп пікірін білдірді промоутер.

Леффлер бесінші раундта Ахмедовтың қолының жарақаттанғанын растады — боксшы мұқият медициналық тексеруден өтуі тиіс. Промоутердің айтуынша, Эспадаспен қайта кездесу сөзсіз болады, бірақ жақын арада емес.