Саболенко Дубайдағы жеңілістен кейін мотивациясының жоғалғанын мойындады

The National мәліметі бойынша, әлемнің бірінші ракеткасы Арина Сабаленко Дубайдағы турнирдің үшінші айналымында әлемнің 38-ші ракеткасы Клара Таусоннан 3:6, 2:6 есебімен күтпеген жеңіліс тапты.

Атап өтерлігі, бұл спортшының екінші ерте шығып қалуы — ақпан айының басында Дохадағы турнирде ол Екатерина Александровадан қызу үш сетті ойында (3:6, 6:3, 7:6) жеңілген болатын.

«Маған кортта бұрынғыдай құлшыныс жоқ сияқты, ойымда хаос, кортта тұрақтылық жоқ. Матч кезіндегі шешімдерім дұрыс емес және эмоционалды тұрғыда да ең жақсы формамда емеспін», — деп мойындады Сабаленко.

Теннисші соңғы бірнеше жылда (әсіресе Австралиядағы өнер көрсетуден кейін) физикалық жағдайында проблемалар болғанын атап өтті: «Мен мұнда ойнаған сайын өзімді тіпті денсаулық тұрғысынан да жақсы сезінбеймін — Австралия менің энергиямды әрдайым көп алады».

Сабаленко өз командасымен бірге болашақта нәтижелерді жақсарту үшін осы турнирлер сериясына дайындық тәсілін қайта қарастыруды жоспарлап отырғанын айтты.