Рыбакинаның бапкері Сангвинетти италиялық теннисшіні жаттықтырғысы келетінін айтты

Қазақстандық теннисші Елена Рыбакинаның бапкері — италиялық маман Давиде Сангвинетти өзінің кәсіби мақсаттарымен бөлісті.

Рыбакинамен жұмыс — бас тартуға болмайтын жоба. Бірақ болашақта жас ойыншымен жұмыс істегім келеді, және мүмкін болса, ол италиялық болса — сонда бізге ана тілімізде сөйлесу оңайырақ болады, — деді Сангвинетти Punto de Break-ке берген сұхбатында.

Бапкер Брендон Накасимамен табысты жұмыс тәжірибесі бар екенін атап өтті — бірге олар әлемдік рейтингтің үздік 30-дығына қол жеткізді. Алайда мансабын аяқтар алдында Сангвинетти Италиядан шыққан теннисшімен толыққанды жоба жүзеге асыруға ниетті.

Айта кетейік, Елена Рыбакинаның италиялық маманмен ынтымақтастығы хорват бапкері Горан Иванишевичпен қысқа мерзімді жұмыстан кейін 2025 жылдың басында басталған.