Рыбакинаның бапкері оның топырақ жабынына қатынасы туралы айтты

Қазақстандық теннисші Елена Рыбакинаның бапкері Давиде Сангвинетти өз шәкіртінің топырақ корттардағы ойыны туралы пікірін білдірді, деп хабарлайды Punto de Break.

Өткен аптада Қазақстанның бірінші ракеткасы Мадридтегі турнирдегі өнерін аяқтады — спортшы жарыстың үшінші кезеңінде Элина Свитолинадан жеңілді.

«Топырақ — оның ең сүйікті жабыны емес, бірақ оның Римдегі турнирде жеңісі, Мадридте жартылай финалы және Ролан Гарростың екі ширек финалы бар. Оған топырақ мүлдем ұнамайды деп айту дұрыс емес», — деді Сангвинетти.

Маман сондай-ақ Мадрид турнирінің Рыбакина үшін ерекше маңызы бар екенін атап өтті — корттардың биік таулы орналасуы доптың жылдамырақ ұшуына ықпал етеді, бұл оның ойын стиліне жақсы сәйкес келеді.