Рыбакина Вашингтондағы турнирдің басында Мбоконы сенімді жеңді

WTA рейтингінде 12-орында тұрған Елена Рыбакина Вашингтондағы WTA 500 турнирін сәтті бастады.

1/8 финалда қазақстандық теннисші әлемдік рейтингте 88-орында тұрған канадалық Виктория Мбокомен кездесті. Матч Рыбакинаның 6:3, 7:5 есебімен жеңісімен аяқталды.

Бұл матч Рыбакина үшін Уимблдоннан кейінгі алғашқы ойын болды. Вашингтон турнирінің жүлде қоры 1 282 951 долларды құрайды — жеңімпаз 197 570 доллар мен 500 рейтингтік ұпай алады. Жарыстың басты фавориті — WTA рейтингінде төртінші орында тұрған америкалық Джессика Пегула.