Рыбакина Монреальдегі турнирдің ширек финалына шығу үшін Ястремскамен кездеседі

WTA рейтингінде 12-орында тұрған Елена Рыбакина Монреальдегі турнирдің 1/8 финалында 35-орындағы украиналық теннисші Даяна Ястремскамен кездеседі.

Қазақстандық спортшы осы кездесуге дейін екі сенімді жеңіске қол жеткізді — американдық Хейли Баптисті 6:4, 6:3 есебімен және румыниялық Жаклин Кристианды 6:0, 7:6 есебімен жеңді.

Даяна Ястремская да алдыңғы кездесулерде мықты ойын көрсетті — колумбиялық Камила Осорионы (3:6, 7:6, 6:2) және американдық Эмма Наварроны (7:5, 6:4) ұтты.

Беделді турнирдің жеңімпазы жалпы жүлде қоры 5 152 199 доллар болатын жарыста 752 275 доллар және 1000 рейтингтік ұпай алады. Матч трансляциясы Астана уақытымен 23:00-де басталады.