Рыбакина мен Путинцева Лондондағы жұптық сайыста жеңілді

Қазақстандық теннисшілер Елена Рыбакина мен Юлия Путинцева Лондондағы Queen’s Club Championships турнирінің жұптық сайысының жартылай финалына шыға алмады.

Ширек финалда қазақстандық жұп — Эйша Мухаммад (АҚШ) және Деми Схюрс (Нидерланды) құрамындағы халықаралық жұппен кездесіп, екі сетте 1:6, 5:7 есебімен жеңілді.

Жекелей сайыста WTA рейтингінде 11-орында тұрған Елена Рыбакина жарысты жалғастыруда — 1/8 финалда ол британдық теннисші Хизер Уотсонды (рейтингте 164-орын) 6:4, 6:2 есебімен жеңді. Айта кетерлігі, бұған дейін Уотсон Юлия Путинцеваны (WTA рейтингінде 27-орын) турнирден шығарған болатын — 6:4, 6:3.