Рыбакина мен Путинцева Римдегі турнирде екінші айналымнан бастайды

Ертең Римде беделді теннис турнирі — WTA-1000 санатындағы Италияның ашық біріншілігі басталады.

Әлемдік рейтингте 12-орында тұрған Елена Рыбакина екінші айналымнан бастайды — ол Жапонияның өкілі Моюка Уджима (47-орын) мен Германияның теннисшісі Ева Лиз (63-орын) жұбының жеңімпазымен кездеседі.

WTA рейтингінде 29-орында тұрған Юлия Путинцева да бірінші айналымды өткізіп жібереді — қазақстандық теннисші Алисия Паркс (АҚШ, 51-орын) — Кристиан Жаклин (Румыния, 74-орын) жұбының жеңімпазымен ойнайды.

Турнир 18 мамырға дейін жалғасады, ал жеңімпаз 877 390 еуро көлемінде жүлде ақша алады.