Рыбакина Доха турнирінен кейін WTA чемпиондық жарысында позициясынан айырылды

Әйелдер теннис қауымдастығы Дохадағы (Катар) WTA 1000 турнирінен кейін чемпиондық жарыстың жаңа рейтингін жариялады.

Рейтингтің бірінші орнында әлі де АҚШ-тан шыққан Мэдисон Киз 2554 ұпаймен көш бастап тұр. Екінші орында беларусьтік спортшы Арина Соболенко 1810 ұпаймен орналасса көшбасшылар үштігін Польшадан келген Ига Швёнтек (1495 ұпай) түйіндейді.

Катар турнирінің жеңімпазы — америкалық Аманда Анисимова әсерлі секіріс жасап бірден 72 позицияға көтеріліп төртінші орынға жайғасты. Жарыстың финалисі Латвияны таныстыратын Елена Остапенко да өз нәтижесін жақсартты. Теннисші 100 жолды еңсеріп үздік ондыққа енді.

Қазақстандық спортшылар келесідей нәтиже көрсетті: Елена Рыбакина бір апта бұрын жетінші орында болса тоғызыншы орынға түсті (800 ұпай), ал Юлия Путинцева бір позициядан айырылып 451 ұпаймен 26-шы орынға жайғасты.